Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sot ka filluar procesi gjyqësor kundër Millorad Gjokoviqit, një serb i arrestuar për pjesëmarrje në Masakrën e fshatit Ozdrim të Pejës, në vitin 1999. Sipas aktakuzës i dyshuari nga janari 1998 deri më 21 qershor 1999, në fshatin Ozdrim të Komunës së Pejës, si pjesëtar i forcave policore dhe ushtarake serbe me 7 maj të vitit 1999 fillimisht e rrethuan fshatin Ozdrim, e pastaj filluan një ofensive ushtarako-policore duke shtënë me armë në drejtim të popullsisë civile me ç ‘rast u vranë 19 civilë shqiptarë. Aktualisht janë duke u dhënë fjalët hyrëse nga të dyja palët, Prokuroria Speciale dhe avokatët e palës së akuzuar. I dyshuari Gjokoviq ka mohuar se ka qenë i përfshirë në masakrën e Ozdrimes. Megjithatë, nga Prokuroria Speciale deklaruan se kanë gjetur dëshmitar e prova të cilat, në fund të gjykimit, do ta shpallin fajtor Gjokoviqin për krime lufte.
