Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Shqipërisë, Bajram Begaj, bisedoi me përfaqësuesit e Trupit Diplomatik në Shqipëri. Ai foli për arritjet e vitit të kaluar, sfidat e Shqipërisë, ato rajonale e globale gjatë vitit 2024, lidhur me përballimin me përgjegjshmëri të këtyre sfidave në funksion të zgjidhjeve afatgjata dhe të qëndrueshme.
Bajram Begaj me këtë rast bëri thirrje për bashkëpunim e dialog për paqen, sigurinë dhe shpresën për një të ardhme më të mirë duke e cilësuar diplomacinë jo si opsion, por domosdoshmëri. Ai konfirmoi qëndrimin se Shqipëria do të vijojë të ketë politikë të jashtme dhe të sigurisë të linjë me Bashkimin Evropian dhe Amerikën, si dhe do të angazhohet në forcimin e bashkëpunimit rajonal. Kryetari i Shqipërisë, Bajram Begaj, theksoi rëndësinë e mbështetjes së Ballkanit Perëndimor nga Bashkimi Evropian përmes krijimit të mekanizmave që mundësojnë jo vetëm linjën politike, por edhe përparim ekonomik dhe lehtësira për jetën e përditshme të qytetarëve.
