Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Ukrainës, Volodimir Zelensky, në një intervistë për ARD-në e Gjermanisë, ka deklaruar se nëse Ukraina nuk do t’ia dalë të mposhtë Rusinë, atëherë do të fillojë Lufta e Tretë Botërore. Ai bëri thirrje për mbështetje më të fortë ushtarake nga vendet perëndimore, ndërsa theksoi se kancelari gjerman, Olaf Scholz e kishte kuptuar më mirë natyrën reale të kërcënimit pas takimit të tyre në Berlin vitin e kaluar dhe se Gjermania kishte filluar të rrisë mbështetjen ushtarake. “Përshtypja ime është se kancelari Scholz e kuptoi se Putini nuk është vetëm një emër, por një kërcënim dhe jo vetëm kërcënim për Ukrainën”, tha ai për ARD. Ai shtoi se vendet evropiane, kryesisht ato baltike, mund të jenë objektivi i ardhshëm i Rusisë. “Unë mendoj se kancelari Scholz mendon se nëse nuk rezistojmë, Rusia do t’i afrohet më shumë Gjermanisë. Kancelari Scholz e kupton që ekziston një rrezik i tillë dhe është padyshim lufta e tretë botërore. Nëse Rusia godet këtë apo atë vend të NATO-s, fillon Lufta e Tretë Botërore, ka thënë Zelenskij.
