Smajl Latifi: Kosovës asnjëherë nuk i munguan dalzotësit për ta nderuar e për t’i dhënë shpresë e krenari, siç e dëshmuan Zahiri, Edmondi dhe Hakifi

Kosovës asnjëherë nuk i munguan dalzotësit për ta nderuar e për t’i dhënë shpresë e krenari, siç e dëshmuan Zahiri, Edmondi dhe Hakifi, të cilët me sakrificën e tyre qartësuan herët se lufta kundër Serbisë, përveçse e pashmangshme, do të bëhet edhe e ashpër dhe e përgjakshme.

31 janari i vitit 1997 ishte goditje e rëndë për luftën tonë çlirimtare, ku Kosova vërtetë mbeti pa tre pishtarë të lirisë, por fitoi tre heronj të cilët frymëzuan, zgjuan e ngritën në këmbë mijëra të tjerë që lirinë ta kërkonin me grykën e pushkës.

Përjetësisht do të përkujtohen heronjtë e dëshmorët, që me gjakun e tyre e ujitën tokën shqiptare e i mbetën besnik idealit të lartë të lirisë.

Lavdi Zahirit, Hakifit dhe Edmondit!