Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Autoritetet e larta bënë të ditur zyrtarisht se Turqia ka arrestuar 25 të dyshuar lidhur me të shtënat gjatë një shërbese në një kishë në Stamboll fundjavën e kaluar. Sipas ministrit të Drejtësisë, Jilmaz Tunxh, në mesin e të arrestuarve janë edhe dy sulmuesit e dyshuar, që paraprakisht ishin kapur nga policia. Ata besohet se kanë lidhje me grupin militant, Shteti Islamik, tha ministri turk. Të dyshuarit kryesorë janë shtetas të huaj, njëri nga Taxhikistani dhe tjetri nga Rusia, ka deklaruar më herët ministri i Brendshëm turk, Ali Jerlikaja. Grupi militant, Shteti Islamik, ka marrë përgjegjësinë për këtë sulm, duke thënë se ai u krye në përgjigje të thirrjes së udhëheqësve të këtij grupi militant për të shënjestruar hebrenjtë dhe të krishterët. Sulmi ndodhi të dielën në mëngjes në kishën katolike italiane, Santa Maria, në Stamboll. Me këtë rast nga sulmuesit, ishte vrarë një shtetas turk i cili po merrte pjesë në shërbesë.
