Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sot në Prishtinë, ambasadori i Shteteve të Bashkuara në Kosovë, Jeffrey Hovenier, e ka përsëritur kërkesën drejtuar Qeverisë së Kosovës për shtyrje të vendimit lidhur me zbatimin e rregullores së Bankës Qendrore të Kosovës, Këtë kërkesë ai e paraqiti pas takimit më kryeministrin e vendit, Albin Kurti, zëvendëskryeministrin Besnik Bislimi dhe ministrin e Financave Hekuran Murati. Hovenier në këtë takim ishte i shoqëruar nga ambasadorët e vendeve anëtare të QUINT-it. Ai ka deklaruar me këtë rast se Amerika është e shqetësuar pasi zbatimi i rregullores së BQK-së do të ndikojë në mënyrë të padrejtë në komunitetet pakicë, duke iu referuar komunitetit etnik serb. Hovenier tha se shteti i tij dëshiron të shtyhet zbatimi i këtij vendimi pastaj duhet zhvilluar një plan dhe strategji në mënyrë që të funksionojë vendimi i tillë. I pyetur nga gazetarët nëse Qeveria e Kosovës ka dhënë ndonjë shenjë se do ta ndryshojë vendimin e saj dhe nëse Kosova rrezikon të përballet me sanksione të reja, Hovenier tha se është në dorën e Qeverisë të deklarohet për zbatimin e rregullores.
