Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Është rritur në 28.176 numri i palestinezëve të vrarë në sulmet e Izraelit në Rripin e Gazës, raporton Anadolu. Gjatë 24 orëve të fundit u vranë edhe 112 palestinezë të tjerë, të cilët përveç sulmeve përballen me urinë dhe etjen në enklavën e rrethuar të Rripit të Gazës. Ministria palestineze e Shëndetësisë në Gaza kujtoi se Izraeli ka kryer sulme në Rripin e Gazës për 128 ditë. Ata konfirmuan se forcat izraelite vranë 112 palestinezë të tjerë në Rripin e Gazës në 24 orët e fundit, duke e çuar numrin e të vdekurve në 28.176. Në sulmet e fundit 173 persona të tjerë u plagosën dhe se numri i përgjithshëm i të plagosurve arriti në 67.784. Ministria theksoi se ka ende trupa të pajetë nën rrënoja dhe buzë rrugës, por ekipet mjekësore dhe zyrtarët e Mbrojtjes Civile nuk mund të arrijnë deri te trupat për shkak të sulmit nga forcat izraelite. Pas një padie për gjenocid të ngritur nga Republika e Afrikës së Jugut, Gjykata Ndërkombëtare e Drejtësisë (GJND) vendosi më 26 janar se Izraeli duhet të përmbahet nga çdo veprim që lidhet me vrasjen, sulmet dhe shkatërrimin në Gaza dhe të marrë të gjitha masat për të parandaluar gjenocidin. Megjithatë, forcat izraelite vazhdojnë të sulmojnë Rripin e Gazës.
