Nura: Po kryhet edhe një punë tjetër e mirë nga e cila përfitues kryesor do të jenë fëmijët

21/02/2024 Institucionet

Kryetari i komunës së Skenderajt, Fadil Nura dhe ministri i zhvillimit rajonal, Fikrim Damka, kanë nënshkruar sot marrëveshjen e mirëkuptimit për financim të projektit për ndërtimin e çerdhes publike afër shkollës “Anton Çetta”, në një ceremoni ku kanë marrë pjesë edhe nënkryetari Sami Lushtaku, drejtoresha për zhvillim ekonomik, Besarta Meha – Ademi, drejtori për arsim, Kastriot Duraku dhe zyrtarë tjerë nga ministria përkatëse. Pas nënshkrimit të marrëveshjes, objekti i çerdhes do të përfshihet në një riformatim të hollësishëm, pasi ishte nisur të ndërtohet duke mos respektuar standardet e pranueshme të ndërtimit dhe kushtet e parapara. “Tashmë pritet realizimi pas një procesi të riformatimit të hollësishëm të këtij projekti, duke respektuar çdo aspekt arkitektonik dhe për të kryer edhe një punë tjetër të mirë nga e cila përfitues kryesor do të jenë fëmijët”, ka thënë kryetari Nura, pas nënshkrimit të marrëveshjes së financimit. Me ndërtimin e saj dhe me përfundimin e tjetrës afër shkollës “Shaban Jashari”, do të përmbushen kërkesat e qytetit për institucione parashkollore.

Kontrolloni gjithashtu

Komuna e Vitisë organizon tryezë diskutimi për aktivizimin kundër dhunës ndaj gruas

Komuna e Vitisë, përmes zyrës së kryetarit dhe Zyrës për Barazi Gjinore, ka mbajtur sot …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara