Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Qeveria irakiane ka shpallur 3 ditë zie kombëtare pas sulmit kamikaz në Bagdad, ku humbën jetën të paktën 165 persona si dhe u plagosën 225 të tjerë. Ekstremistët sunitë përmes një kamioni frigorifer të mbushur me lëndë shpërthyese, hodhën në erë një vend të frekuentuar, ku njerëzit po blinin gjëra ushqimore me rastin e mbylljes së muajit të Ramazanit. Sipas grupeve të shpëtimit, familje të tëra ishin shfarosur dhe shumë viktima është e pamundur të identifikohen për shkak të djegieve. I ashtuquajturi ‘Shtet Islamik’ ka marrë përsipër organizimin e këtij akti terrorist. Ky sulm i përgjakshëm vjen në një kohë kur forcat qeveritare të Bagdadit, me mbështetjen amerikane, çliruan qytetin e Fallxhuas nga terroristët e ISIS-it. Uashingtoni zyrtar ka bërë të ditur se do ta forcojë edhe më shumë mbështetjen për forcat irakiane në luftën e tyre kundër Shtetit Islamik. Ndërkohë, kryeministri Haider al-Abadi njoftoi për rritjen e masave të sigurisë rreth vendit dhe kërkoi instalimin e një sistemi të avancuar për inspektimin e automjeteve në pikat hyrëse të Bagdatit dhe në rajone të tjera.
