Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Avokati i Isni Kilajt, z. Edwards, ka deklaruar se Ministria e Drejtësisë e Kosovës ua ka kthyer shpinën ish-krerëve e ish-pjesëtarëve të UÇK-së, të cilët që disa vjet janë në paraburgim në Hagë. Ai është shprehur i pa kënaqur me përkrahjen që ka marrë nga Ministria e Drejtësisë e Kosovës. Ministria e Drejtësisë tani qartazi nuk përkujdeset për këta veteranë të cilët janë në paraburgim në Hagë. Ajo nuk është e gatshme që t’i mbështesë ata, tha avokati Edwards. Pakënaqësitë e tij ndërlidhen me udhëzimin e ri administrativ të Ministrisë së Drejtësisë, i cili ka ulur drastike pagesat për avokatët e angazhuar në Speciale. Për mua nuk do të ishte problem që të punoja për një mijë euro në muaj. Mirëpo problemi është që unë kam nevojë që të ndërtoj një ekip, duhet të krijoj një sistem, duhet të angazhoj hetues, duhet të angazhoj juristë të tjerë me të cilët duhet të bashkëpunoj. Kështu që një mijë euro në muaj është shokuese, është e turpshme. Unë do t’i bëja thirrje ministrisë së drejtësisë që të tërhiqet nga ky vendim i padrejtë dhe ta rikthejë skemën e vjetër, ka saktësuar avokati i Isni KIlajt, z, Eduard.
