Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Përpara nisjes së punimeve të Samitit të Varshavës, sekretari i përgjithshëm i NATO-s, Jens Stoltenberg ka bërë publik rendin e ditës ku do të fokusohen diskutimet, si dhe vendimet e rëndësishme që priten të merren për forcimin e kufijve në pjesën lindore të Aleancës, përballë kërcënimeve që vijnë nga Rusia. “Samiti i Varshavës që do të mbahet këtë javë është një moment përcaktues për sigurinë tonë, me kërcënime dhe sfida nga shumë drejtime. Në përgjigje të samitit tonë të fundit në Uells, ne shpalosim planin për përforcimin më të madh të mbrojtjes kolektive të NATO-s që prej Luftës së Ftohtë. Ne do të vendosim 4 batalione ndërkombëtare në Estoni, Letoni, Lituani dhe Poloni. Përshëndes njoftimin e bërë nga Kanadaja, e cila ka vendosur të drejtojë një nga batalionet bashkë me Gjermaninë, Mbretërinë e Bashkuar dhe Shtetet e Bashkuara. Mbrojtja jonë kolektive përfshin shumë më tepër. Ne do të biem dakord për të zhvilluar edhe praninë në jug-lindje, me një brigadë ndërkombëtare që do të vendoset në Rumani”, ka deklaruar Stoltenberg.
