Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Raportuesja e Parlamentit Evropian për Kosovën, Viola von Cramon, është cituar të ketë deklaruar se Qeverisë së Kosovës i mungon vullneti politik për përparim në integrimet evropiane të vendit. Kabineti ka aplikuar për anëtarësim në Këshillin e Evropës dhe në BE, por hapat e nevojshëm për përparim në këto aplikacione nuk janë bërë’, tha zonja Cramon për një mediumin bullgar. Në Kosovë thonë se duan të bëhen anëtarë të NATO-s, BE-së dhe Këshillit të Evropës, por nëse dikush i njeh rregullat e klubit, duhet të luajë me ato rregulla në vend që t’i shkelë ato. Qeveria e Kosovës aktualisht nuk po ua lehtëson aspak jetën qytetarëve, por po dërgon sinjale shumë të përziera. Partnerët ndërkombëtarë janë të lodhur nga mosveprimi i Prishtinës, dhe kjo çoi në futjen e masave ndëshkuese nga BE-ja vitin e kaluar. Për më tepër për t’u anëtarësuar në BE, Kosova duhet të njihet si një vend i pavarur nga të gjitha shtetet anëtare, pesë prej të cilave nuk e njohin pavarësinë e Kosovës. Zonja Cramon ka komentuar edhe vendimin e Bankës Qendrore të Kosovës që transaksionet me para të gatshme duhet të jenë në euro që nga 1 shkurti.
