Menderes Zeneli: Idealisti Fehmi Shaqiri i familjes ideale e i shokëve të idealit u nda nga jeta

Idealisti Fehmi Shaqiri i familjes ideale e i shokëve të idealit u nda nga jeta!

Fehmi Shaqiri i lindur 05.02.1970 në fshatin Rahovicë, gjate luftës së Kosovës ishte në radhet e organizuara të Ushtrisë Çlirimtare të Kosovës, gjate viteve 97 e këndej. Pas luftës së UÇK-së, hyrjes të forcave aleate të NATOS në Republikën e Kosovës në qershor të Vitit 1999 e të çlirimit të saj, Fehmiu ka vazhduar per furnizimin me armë per Luginë të Presheves dhe rujatjen e armatimit nëpër depo për UÇPMB- në. Gjatë luftës në Zonën Operative të Preshevës ka qenë i angazhuar komandant i Policisë Ushtarake, i cili ka marrë pjesë në betejat që janë zhvilluar në kuadër të Brigadës ,,113 Ibrahim Fejzullahu’’. Pas Marrëveshjeve e përfundimit të luftës në Luginë , ka vazhduar të jetoj e punoj në Rahovicë. Fehmi Shaqiri ,për aq, sa jetoi e punoi ,njihej si njeri i mirë ,familjar i përkushtuar e shok i vërtet! Kohëra të fundit nga një smundje e rëndë në mushkëri iu keqësua dukshëm gjendja shëndetësore. Familjarët,shokët e miqtë e kuptuan ,se smundja po i shtrihej shpejt në trupin e tij. Më 17 mars u nda nga ne Fehmi Shaqiri! E lavdishme jeta dhe vepra jote! E rëndë ndarja nga ti ! Të qoftë i lehtë dheu i tokës Arbërore, shoku im i idealit, shoku i shokëve të mi, shoku e bashkëluftëtari i vëllezërve të mi! Më 18 mars 2024. Menderes Zeneli