Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministri i Mbrojtjes, Ejup Maqedonci, në një takim ndërkombëtar në bazën ushtarake të Ramshtainit, në Gjermani, ka bërë të ditur se do të dërgojë ndihma ushtarake, në Ukrainë. Në takimin e 20-të të Grupit të Kontaktit për Mbrojtjen e Ukrainës, ministri Maqedonci ka konfirmuar kontributin e Kosovës me një paketë të parë të ndihmës ushtarake, duke përfshirë dhjetëra kamionë taktikë, automjete taktike dhe autoblinda ushtarake. Këto mjete pritet të dërgohen drejt Ukrainës brenda javës së ardhshme. Së bashku me këtë ndihmë fillestare, po pregatitet një paketë e dytë mbështetëse që përmban mijëra predha të mortajave, të cilat do të dërgohen për të rritur fuqinë e zjarrit indirekt të forcave ushtarake ukrainase. Takimin e Grupit të Kontaktit për Mbrojtjen e Ukrainës e ndoqën përfaqësuesit e mbi 50 shteteve anëtare, të cilët u informuan nga ministri Maqedonci për rolin e Forcës së Sigurisë së Kosovës në trajnime dhe mbështetjen e trupave ukrainase.
