Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Emisari gjerman për Ballkanin Perëndimor, Manuel Sarrazin, gjatë një takimi me kryeministrin Albin Kurti, ka diskutuar për Procesin e Berlinit dhe çështje të tjera aktuale. Lajmin e ka bërë të ditur, ambasadori i Gjermanisë në Prishtinë, Jorb Rohde. Sipas një komunikate të lëshuar nga zyra e kryeministrit, tema qendrore e këtij takimi ishte bashkëpunimi rajonal dhe integrimi ekonomik mes vendeve të Ballkanit Perëndimor në kuadër të Procesit të Berlinit si dhe përgatitjet për Samitin e radhës të Procesit të Berlinit i cili këtë vit shënon dhjetë vjetorin e tij. Kryeministri e falënderoi z. Sarrazin për bashkëpunimin e mirë, kontributin dhe rolin e tij në forcimin e marrëdhënieve mes Republikës së Kosovës dhe Gjermanisë, si dhe në avancimin e bashkëpunimit rajonal. Albin Kuurti theksoi që Kosova është e përkushtuar dhe interesuar për fqinjësi të mirë, avancim demokratik dhe progres socio-ekonomik në rajon ku sipas tij qytetarët janë përfituesit përfundimtarë.
