Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Gazetari Lirim Mehmetaj, ka publikuar një komunikatë të Lëvizjes Vetëvendosje e cila kritikonte ashpër bombardimet e NATO-s mbi caqet ushtarake dhe policore serbe, në 1999. “Në këtë 25 vjetor të bombardimit të NATO-s ta kujtojmë edhe njëherë me turp sesi kryeministri aktual i Kosovës, Albin Kurti, na tregonte se çfarë gabimi i madh ka qenë intervenimi i NATO-s për çlirimin e Kosovës”, ka shkruar Mehmetaj. Ai bënte fajtore NATO-n dhe bashkësinë ndërkombëtare edhe për vrasjet e kryera nga Millosheviç-i, derisa për të argumentuar kundër NATO-s citonte një shkrimtar serb si Vladimir Arsenijeviç. Pra, dy palë ishin kundër intervenimit të NATO-s, Serbia në njërën anë dhe Lëvizja Vetëvendosje në anën tjetër. Dikush do ta arsyetonte Kurtin sikur kërkesën kundër këtij intervenimi ta kishte për shkak se nga lufta që po zhvillonte në terren dëshironte ta çlironte vetë Kosovën që më pas të mos futet në obligim në raport me ndërkombëtarët. Para se NATO të bombardonte për ta shporrur ushtrinë jugosllave nga Kosova, Kurti – siç ka treguar vetë – po qëndronte në banesën e tij në Prishtinë duke dëgjuar lajmet se çfarë po ndodhë, ka shkruar gazetari, Lirim Mehmetaj.
