Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në Këshillin e Sigurimit të OKB-së, Shtetet e Bashkuara, Franca dhe shtetet e tjera perëndimore u larguan nga votimi për të parandaluar futjen në agjendë të diskutimit temën për ndërhyrjen ushtarake të NATO-s ndaj ish-Republikës Federale të Jugosllavisë 25 vjet më parë. Ambasadori rus në OKB, Vasili Nebenzja, tha se çështja e ndërhyrjes së NATO-s nuk është çështje historike, por Kosova, sipas tij, mbetet në agjendën e Këshillit, pasi sipas tij situata në këtë shtet është përkeqësuar. Amerika dhe Franca argumentuan se agjenda e një takimi miratohet nga të gjithë anëtarët, duke paraqitur rezervat e tyre në lidhje me urgjencën e diskutimit të temës. Rusia kërkonte që tema të shtrohej në rend dite, ndërsa përfaqësuesi i SHBA-së në OKB tha se qëllimi i Rusisë është që të nxisë tensione dhe të destabilizojë rajonin e Ballkanit Perëndimor. Gjatë debatit, u shpreh një shqetësim i theksuar për tentativën e Rusisë për të instrumentalizuar ngjarjet tragjike të shekullit të kaluar për të përhapur një fushatë propaganduese, ndërkohë që SHBA-ja argumentoi se ndërhyrja e NATO-s ishte e nevojshme dhe legjitime për të ndaluar spastrimin etnik në Kosovë.
