Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Aleancës Kosovare të Bizneseve, Agim Shahini, njoftoi se në tre muajt e fundit janë mbyllur rreth 400 biznese, duke theksuar një rënie të ndjeshme krahasuar me vitin e kaluar, ku janë hapur 2800 biznese, por 300 më pak se vitin e kaluar. Duke folur për shkakun e kësaj situate ai foli për humbjen e fuqisë në tregun konkurrues, konkurrencën jo të drejtë, mungesën e mbështetjes financiare dhe interesin bankar të lartë në Kosovë krahasuar me Evropën. Mungesa e punëtorëve dhe investimeve në disa sektore ka ndikuar në rritjen e numrit të bizneseve të mbyllura. Shahini gjithashtu shprehu shqetësimin e tij për rritjen ekonomike të Kosovës, duke theksuar se, megjithatë, GDP-ja për kokë banori mbetet e ulëta në rajon krahasuar me vendet e tjera. Ai gjithashtu informoi për një trend të rritjes së investimeve nga bizneset kosovare jashtë vendit, duke përmendur se rreth 100 milionë euro janë investuar jashtë Kosovës vitin e kaluar për shkak të kushteve më të favorshme dhe sigurisë më të mirë për biznesin.
