Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Asambleja Parlamentare e Këshillit të Evropës ka shënuar një hap të rëndësishëm në procesin e vlerësimit të kërkesës së Kosovës për anëtarësim në këtë organizatë ndërkombëtare. Komisioni për Politikë dhe Demokraci i Asamblesë ka miratuar raportin (draft-opnionin) e Dorës Bakoyannis me një mbështetje të gjerë, duke përfshirë 31 vota pro. Rezultati i votimit reflekton një përkrahje substanciale për integrimin e Kosovës në Këshillin e Evropës, me vetëm 4 vota kundër dhe një abstenim. Ndër votat kundër, dy janë shprehur nga deputetët e Serbisë, ndërsa nga një votë kundër ka ardhur edhe nga deputetët e Bosnje e Hercegovinës dhe Malit të Zi. Deputeti i Greqisë, Aleksis Cipras, ka zgjedhur të mos marrë pjesë në votim. Pas miratimit të raportit në Komisionin për Politikë dhe Demokraci, procesi procedon në Asamblenë Parlamentare, ku pritet të debatohet më gjerësisht më 18 prill. Nëse raporti pranohet edhe në këtë fazë, Këshilli i Ministrave të Këshillit të Evropës do të ketë fjalën përfundimtare për anëtarësimin e Kosovës, duke mbajtur një mbledhje që pritet të zhvillohet gjatë muajit maj.
