Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Aleancës për Ardhmërinë e Kosovës, Ramush Haradinaj, ka shprehur përkushtimin e tij ndaj lidhjeve strategjike me Shtetet e Bashkuara të Amerikës dhe shtetet partnere, duke e cilësuar këtë si një rrugë drejt suksesit për Kosovën. Ai gjithashtu ka theksuar rëndësinë e përpjekjeve për anëtarësim në NATO, duke e quajtur këtë si detyrë për vendin. Në frymën e atyre që kanë shkuar para nesh, të ripërtërijmë përkushtimin tonë për Kosovën në NATO, Kosovën shtyllë të lirisë, drejtësisë dhe zhvillimit. Le të punojmë krah për krah, të rreshtuar dhe të bashkuar në synimet tona. Kjo është detyrë, privilegj dhe nder për ne. Haradinaj këto komente i ka bërë gjatë vizitës përkujtuese për dëshmorët dhe martirët e Rahovecit me rrethinë, duke vlerësuar këtë zonë si një vatër të rezistencës dhe organizimit të luftës për liri në historinë e Kosovës. Ai ka theksuar se fshatrat si Opterushë e Retijë mbeten simbole të guximit dhe përkushtimit për Atdheun, duke i kujtuar kështu kontributin e tyre në historinë e vendit.
