Jakup Krasniqi: “Liri a vdekje” por kurrë më nën këtë gjenocid

Në postimin e saj Gresa, vajza e atdhetarit Jakup Krasniqi ka ndarë pjesë nga fjalimi i babait te saj, i cili po mbahet në qendër të paraburgimit në Hagë.  Jakup Krasniqi: Kam qarë kur pashë në një depo materialesh ndërtimore të gjithë ata të vrarë të familjes Jashari. Adem Demaçi më tha ‘Jakup nuk ka fitore pa luftë dhe sakrifica’. Unë e dija se ky ishte ‘çmimi i lirisë’. Unë po qaja për fëmijët, për pasardhësit e kombit tim, për ata që nuk patën mundësi të jetonin asnjë ditë të fëmijërisë së tyre. Në ato momente e kuptova se nuk mund të jetoja më duke futur kokën në zall si struci. Ishin momente vendimtare. Në ato momente thashë ‘liri a vdekje’ por kurrë më nën këtë gjenocid”.