Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-ministri i Punëve të Jashtme të Kosovës, nga radhët e PDK-së, Enver Hoxhaj, ka lëvruar rolin dhe kontributin e ish-ndërmjetësuesit kryesor të Kombeve të Bashkuara, Martti Ahtisaarit, në dialogun Kosovë-Serbi. Ai e përshkruan Ahtisaarin si një “profet dhe vizionar” për mënyrën e tij të udhëheqjes së negociatave. Ai vlerëson që Ahtisaari ka ofruar një vizion të thellë dhe një propozim të shkëlqyeshëm për zgjidhjen e konfliktit. Në intervistën për Euronews Albania, Hoxhaj shpjegoi se përpjekjet e delegacionit serb për të siguruar një autonomi politike dhe fetare për serbët në Kosovë u përballën me qëndrim të prerë nga Ahtisaari. Ai theksoi se plani i Ahtisaarit ruajti karakterin real të Kosovës dhe ofroi zgjidhje për të gjitha komunitetet, duke mbrojtur në të njëjtën kohë funksionalitetin e shtetit të Kosovës. Megjithatë, Hoxhaj shtroi kritikat për mos mbështetjen e plotë të planit të Ahtisaarit nga BE-ja dhe Këshilli i Sigurimit, duke thënë se ky fakt ka dëmtuar pozitën e Kosovës në arenën ndërkombëtare dhe ka lënë pas probleme në pjesën veriore të vendit.
