Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Emisari i Bashkimit Europian për dialogun ndërmjet Kosovës dhe Serbisë, Miroslav Lajçak shprehet i zhgënjyer dhe pesimist për normalizimin e marrëdhënieve në mes të dyja vendeve. Ndërsa mandati i tij si ndërmjetës po i afrohet fundit, ai pritet të tërhiqet nga kjo përpjekje për t’u zhvendosur në Zvicër si ambasador i BE-së. Ai shpreh zhgënjimin e tij në një forum në Sofje, duke thënë se nuk beson se Kosova dhe Serbia janë të gatshme për të bërë progres në këtë drejtim. Mandati i Lajçakut, i cili nisi për të ndërmjetësuar në vitin 2020, po përfundon pa arritur normalizimin e marrëdhënieve midis dy vendeve. Ai thekson se, megjithëse ka pasur periudha të normalizimit, tensionet dhe krizat kanë penguar përparimin. Lajçak gjithashtu vlerëson nevojën për një atmosferë të mirë për të arritur normalizimin dhe thekson se është e rëndësishme që rajoni të kuptojë se progresi në këtë drejtim çon drejt anëtarësimit në BE.
