Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Francës, Emmanuel Macron, ka pritur në takim kryetarin serb, Aleksandar Vuçiq, në Pallatin Presidencial, në Elize. Para se të darkonin, Macron me mysafirin e tij mbajtën një konferencë për media. Në fillim të fjalimit, presidenti francez foli për angazhimin e Serbisë drejt integrimit europian, derisa përmendi brutalitetin rus në Ukrainë. Më pas, Macron theksin e vuri te raporti i Serbisë me Kosovën dhe nevojën e zbatimit të asaj që janë marrë vesh vitin e kaluar. Ai tha se normalizimi i marrëdhënieve mes Kosovës dhe Serbisë është një premtim i palëve dhe një peng i paqes, në rajonin e Ballkanit Perëndimor, andaj palët duhet të bëjnë pjesën e tyre. Macron tha se edhe ai do të bëjë gjithçka që marrëveshja të zbatohet. Franca do të vazhdojë të mbështesë ndërmjetësimin e Bashkimit Europian dhe të bëjë gjithçka për të siguruar që angazhimet që janë marrë përsipër duhet të zbatohen. Të gjithë duhet të bëjnë pjesën e tyre dhe unë dua të përshëndes veprimet e bëra nga disa dhe të tjerë në këtë drejtim.
