Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Komisioni Qendror Zgjedhor, ka njoftuar se anëtarët e Komisioneve Komunale Zgjedhore prej Listës Serbe kanë dorëhequr në katër komunat veriore me shumicë serbe, Mitrovicë e Veriut, Zveçan, Leposaviq dhe Zubin Potok, ndërsa një anëtar i Nismës Qytetare për Liri, Drejtësi dhe Mbijetesë është dorëhequr në Mitrovicë të Veriut. Shtetet e QUINT-it, kanë reaguar ndaj kësaj situate dhe kanë kërkuar që të rishqyrtojnë vendimet dhe qëndrimet e tyre në lidhje me zgjedhjet e 21 prillit. Ambasadat e Francës, Gjermanisë, Italisë, Mbretërisë së Bashkuar, Shteteve të Bashkuara dhe Zyra e BE-së, në Kosovë kanë pranuar që Kosova do të mbajë votimet për tërheqjen e kryetarëve më 21 prill në katër komunat në veri, në përputhje me kërkesat ligjore. Kjo është pas rezultatit të përpjekjeve nismëtare të qytetarëve brenda kuadrit ligjor ekzistues dhe të vërtetuara nga KQZ. QUINT-i ka bërë thirrje Listës Serbe dhe të gjithë aktorëve që kanë bërë thirrje për tërheqje nga pjesëmarrja në votimin për tërheqjen e kryetarëve, që të rishqyrtojnë qëndrimet e tyre dhe të përdorin plotësisht mjetet demokratike në dispozicion për të avancuar demokracinë efektive dhe përfaqësuese.
