Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Me qëllim për të anashkaluar lajmin e zi të vrasjes së fëmijës shqiptar 4-vjeçar, në Kumanovë, në prani të prindërve, nga një ish polic, sllavomaqedon, polica e këtij shteti është duke zhvilluar një aksion të madh policor, duke bastisur disa shtëpi të lagjes Gazi Babë, në Shkup. Aksioni i madh policor ka filluar para agimit të diellit, që në orët e hershme të ditës. Ende nuk ka informata se çfarë synon MPB me këtë aksion, dhe kush saktësisht është duke u bastisur prej anës së tyre. Disa qytetarë duke dashur që ta vizitojnë Xhaminë e lagjes për kohën e namazit të Sabahut si zakonisht, nuk janë lejuar të dalin prej shtëpive të tyre. Njëri prej qytetarëve ka kërkuar arsye por pjesëtarët e policisë nuk kanë dhënë informata përveçse kanë urdhëruar qytetarët e lagjes Çair që të qëndrojnë brenda në shtëpitë e tyre. Po ashtu raportohet edhe për bastisje në lagje tjera në Shkup. Jo zyrtarisht bëhet e ditur se aksioni por zhvillohet goja në kërkim të pjesëtarëve të ISIS-it, nga radhët e atyre që pretendohet se kanë luftuar në Siri.
