Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
BDI dhe Fronti Evropian përshëndesin dhe mbështesin përkushtimin e ShBA, për të ruajtur frymën dhe integritetin e Marrëveshjes së Prespës dhe për të ndihmuar në vazhdimin e rrugës së Maqedonisë së Veriut drejt anëtarësimit në Bashkimin Europian. Në një deklaratë të shpallur sot, BDI dhe Fronti Europian nënvizojnë se kërkesat e Departamentit Amerikan të Shtetit për një diskurs politik të bazuar në fakte dhe për zbatimin e reformave të nevojshme janë të rëndësishme për integrimin e shpejtë të vendit në BE. Si fitues të zgjedhjeve të fundit, BDI dhe Fronti Europian shprehin qartë se vizioni i tyre për të ardhmen e Maqedonisë së Veriut është drejt Perëndimit dhe anëtarësimit në strukturat euroatlantike, duke përfshirë edhe NATO-n. Ata paralajmërojnë se çdo lëvizje që mund të minojë këtë objektiv nuk do të tolerohet. Në kundërshtim me opozitën shqiptare dhe maqedonase, BDI dhe Fronti Europian theksojnë se vendimi i qytetarëve në zgjedhjet e 24 prillit dhe 8 majit do të konfirmojë përkushtimin e tyre për një Maqedoni të orientuar drejt Evropës dhe Perëndimit, duke lënë pas pro-Rusët në histori si humbës të papajtueshëm.
