Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Reagimi i partive serbe ndaj vendimit të autoriteteve të Maqedonisë së Veriut për të bashkë-sponsorizuar rezolutën kundër gjenocidit të Srebrenicës në Kombet e Bashkuara, ka shkaktuar një valë reagimesh në vend dhe në rajon. Kryetari i Lidhjes Demokratike Serbe në Maqedoni, Ivan Stoilkoviq, ka reaguar ashpër ndaj këtij vendimi, drejtuar ministrit të Jashtëm të Maqedonisë së Veriut, Bujar Osmanit, duke e trajtuar si një shkelje të vullnetit të popullit. Lidhja Demokratike Boshnjake, e cila është në koalicion me BDI-në, kërkoi që VMRO-DPMNE-ja, të dënojë gjuhën e urrejtjes së Stoilkoviqit. Ministri i Jashtëm serb, Ivica Daçiq, e cilësoi vendimin si mendjemadh dhe cinik. Një reagim të ashpër kishte edhe ish-ministri serb i Mbrojtjes, Aleksandar Vulin, i cili akuzoi autoritetet maqedonase për mosrespektim të zërit të serbëve në vend. Kryetari i Republikës Serbe, Milorad Dodik, tha se serbët e Bosnjës po shqyrtojnë seriozisht nëse do të vazhdojnë të jetojnë me myslimanët boshnjakë, duke hedhur dyshime mbi ekzistencën e gjenocidit të Srebrenicës. Kryetari serb, Vuçiq, akuzoi të huajt për shkaktimin e konflikteve në rajon. Ky vendim ka thelluar ndarjen dhe tensionet në rajonin e Ballkanit, duke shtuar debatin dhe polemikat politike.
