Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputetja e PDK-së, Blerta Deliu, ka kritikuar ministren e Drejtësisë, Albulena Haxhiu, për pjesëmarrjen e saj në një fushatë zgjedhore në Maqedoninë e Veriut. Deliu e ka vlerësuar si të papërgjegjshme veprimin e Haxhiut, duke e akuzuar se ka harruar detyrën e saj të parësore. Kritika e Deliut vjen në një kohë të ndjeshme për Kosovën, pasi vendi po përjeton një periudhë tronditëse për shkak të dy vrasjeve të grave brenda një kohe të shkurtër. Duke e cilësuar ditën si “Ditë Zie”, Deliu i bën thirrje ministres Haxhiu për të marrë përgjegjësi dhe për t’u fokusuar në krijimin dhe menaxhimin e task-forcës për mbrojtjen dhe mbështetjen e grave në vend. Ajo interpreton pjesëmarrjen e Haxhiut në një konferencë në Maqedoninë e Veriut si një akt elektoral, duke shprehur dyshime në seriozitetin dhe përgjegjësinë e ministres në detyrën e saj. Deputetja Blerta Deliu vlerëson se veprimi i zonjës Haxhiu, tregon mungesën e interesit të saj për sigurinë e grave në Kosovë.
