Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i komunës së Malishevës Ekrem Kastrati, e ka mirëpritur në Malishevë, ambasadorin e Bashkimit Evropian në Kosovë, z. Tomas Szunyog me bashkëpunëtorë. Kryetari Kastrati dhe ambasadori Szunyog, së bashku panë nga afër punimet që janë duke u bërë në projektin më të madh në gjithë historinë e zhvillimit të Malishevës, projektin e sheshit me parkingun nëntokësor, për të vazhduar më pas me një bashkëbisedim me nxënësit e shkollës “Ibrahim Mazreku” mbi rolin dhe rëndësinë e BE-së, e për ta përmbyllur me një vizitë në fabrikën e letrës “Orto Paper“ në Mirushë. Kryetari Kastrati, Ambasadorin Szunyog, e ka falënderuar për vizitën dhe projektet e përbashkëta, derisa, ai përgëzoi qeverisjen lokale në Malishevë për punën e vazhdueshme në shërbim të qytetarëve, si dhe për suksesin e arritur, duke qenë në mesin e komunave më të mira, që është edhe fituese e Grantit të Performancës Komunale.
