Në 25 vjetorin e rënies u përkujtua dëshmori Brahim Morina

22/04/2024 Institucionet

Sot, në 25 vjetorin e rënies në altarin e lirisë, u përkujtua dëshmori i kombit, Brahim Morina, nga fshati Drenoc i komunës së Malishevës. Në përkujtim të rënies së tij, sot u bënë homazhe dhe u vendosën lule, në varrezat e dëshmorëve në Malishevë, ku edhe prehet trupi i dëshmorit. Homazhe dhe nderime në përkujtim të dëshmorit Brahim Morina, bashkë me familjarë, kanë bërë edhe kryetari i Komunës së Malishevës, Ekrem Kastrati, nënkryetari, Vesel Krasniqi, drejtor të drejtorive komunale, kryetari i degës së OVL të UÇK-së në Malishevë, Metush Kryeziu, bashkëluftëtar dhe qytetarë të shumtë. “Gjaku dhe sakrifica e dëshmorit Brahim Morina dhe të gjithë dëshmorëve të kombit, janë themeli i shtetndërtimit, prandaj, ne të gjallët, me respektin më të madh, i kujtojmë dëshmorët dhe duhet të punojmë në ndërtimin e komunës sonë, të vendit dhe duhet ta qojmë në vend amanetin e tyre. Të gjitha gjërat tjera në jetë, vijmë e shkojnë, por vepra e dëshmorëve, është e përhershme dhe e pavdekshme. Nderime dhe respekt pa fund për të gjithë dëshmorët dhe gjithë sakrificën për liri”, ka thënë mes tjerash, i pari i Komunës së Malishevës, Ekrem Kastrati, gjatë homazheve në nderim të 25 vjetorit të rënies së dëshmorit, Brahim Morina.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara