Me temë “Bëjeni mësimin e nxënësve real dhe efektiv”, u mbajt trajnim për mësimdhënësit vitias

27/04/2024 Institucionet

Sot, në SHFMU “Dëshmorët e Vitisë” në komunën e Vitisë u mbajt trajnim një -ditor me temë “Bëjeni mësimin e nxënësve real dhe efektiv”, për mësimdhënësit e gjuhës angleze, në të cilin trajnim ishte prezente drejtoresha e Korpusit të Paqes në Kosovë, Carolina Siganda. Me këtë rast, drejtoresha e Arsimit në komunën e Vitisë, Arta Ajeti, ka falënderuar Korpusin e Paqes me drejtoreshën Carolina Siganda dhe Ministrinë e Arsimit, për bashkëpunimin e vazhdueshëm. Ajo theksoi se kjo është një mundësi e mirë për zhvillimin e mëtutjeshëm profesional. “Kjo është një mundësi e mirë për zhvillimin e mëtutjeshëm profesional. Korpusi i Paqes është një agjension i qeverisë Amerikane e cila është aktive afër 10 vite në Kosovë me projekte të ndryshme, pa perjashtuar dhe komunën e Vitisë, dhe njohurit e fituara, mësimdhënësit do t’i transmetojnë tek nxënësit. Ne do të vazhdojm me Korpusin e Paqes të kemi bashkëpunime të vazhdueshme”, u shpreh drejtoresha Ajeti. Në anën tjetër znj. Siganda u shpreh mirënjohëse për gatishmërinë e institucioneve komunale të Vitisë për ofrimin e mundësisë së bashkëpunimit tash e disa vite dhe gatishmërinë e mësimdhënësve që të jenë pjesë e këtij trajnimi. Qëllimi themelor i këtij trajnimi ishte të ndihmojë mësimdhënësit e gjuhës angleze, që të zhvillojnë më tej ekspertizën e tyre pedagogjike dhe të fuqizojnë mësimin e bazuar në kompetenca në klasë. Po ashtu, përshkrimi i teorive të mësimdhënies dhe të mësuarit e gjuhës angleze, metodologjitë, teknikat dhe aktivitetet për përmirësimin e të mësuarit bazuar në kompetenca, të menduarit kritik si dhe zgjidhja e problemeve në bashkëpunim.

Kontrolloni gjithashtu

Finalizohet draft-ligji për Lojërat Mesdhetare “Prishtina 2030”

Kryetari i Komunës së Prishtinës, z. Përparim Rama ka njoftuar përmes faqes së tij në …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara