Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kancelari gjerman, Olaf Scholz, gjatë një bisede telefonike me kryeministrin e Kosovës, Albin Kurti, ka kërkuar hapa konkret për themelimin e Asociacionit të Komunave me Shumicë serbe, si kusht për anëtarësimi i Kosovës në Këshillin e Evropës. Në këtë bisedë telefonike thuhet se Scholz ka theksuar mbështetjen e Qeverisë Federale për integrimin evropian të Kosovës dhe rikujtoi rëndësinë e dialogut të ndërmjetësuar nga BE-ja ndërmjet Kosovës dhe Serbisë dhe zbatimin e plotë të Marrëveshjes së Ohrit. Kancelari përshëndeti zbatimin e vendimit të Gjykatës Kushtetuese të Kosovës për Manastirin e Deçanit. Ai nënvizoi rëndësinë e hapave konkretë drejt themelimit të Asociacionit të Komunave me Shumicë Serbe nga autoritetet e Kosovës, edhe në kuadër të aplikimit të Kosovës për anëtarësim në Këshillin e Evropës. Ndërkohë kryeministri Albin Kurti, duke për telefonatën me kancelarin gjerman Scholz tha se i ka shprehur mirënjohjen për mbështetjen e palëkundur të Gjermanisë për Kosovën dhe shpreson se Gjermania do ta mbështesë kandidaturën tpër anëtarësim në Këshillin e Evropës në përputhje me rekomandimet. Po ashtu rikonfirmova angazhimin tonë për zbatimin e plotë të Marrëveshjes Bazë”, ka shkruar Albin Kurti.
