Në komunën e Deçanit është organizuar punëtoria me temën ““Dhuna në familje dhe Mekanizmi Komunal kundër Dhunës në Familje”

30/04/2024 Institucionet

Në komunën e Deçanit është organizuar punëtoria me temën ““Dhuna në familje dhe Mekanizmi Komunal kundër Dhunës në Familje”. Punëtoria u organizua nga Ekipi Monitorues Ndërlidhës të KFOR-it (LMT), me OSBE-në, mbështetur nga Kryetari i Komunës së Deçanit, z. Bashkim Ramsoaj. Punëtoria u mbajt me nxënësit e shkollës së mesme “Vëllezërit Frashëri” për ngritjen e vetëdijes kundër dhunës në familje, dhuna ndaj grave dhe dhuna me bazë gjinore. Parandalimi i këtij realiteti të trishtë është e domosdoshme të mbahen punëtori edhe në shkollat e tjera, meqë rastet e dhunës në familje në vitet e fundit vetëm sa janë shtuar dhe jo e kundërta.  Në këtë punëtori morën pjesë anëtarët e  mekanizmit, Xhavit Nimonaj-Udhëheqës i Njësisë kundër Dhunës në Familje në Stacionin e Policisë, Ardita Ramizi –Bala, Drejtoreshë e Strehimores në Pejë, Ibrahim Lushaj-Zyrtar në  Qendrën për Punë Sociale, Besnik Hulaj- Drejtor për Arsim, Hamid Qorraj- Drejtori i Gjimnazit “Vëllezërit Frashëri”, si dhe nxënës të gjimnazit. Anëtarët e mekanizmit komunal, KFOR-i, OSBE-ja, drejtori i gjimnazit ndanë informacione me nxënësit në lidhje me dhunën në familje dhe i ftuan nxënësit që të përhapin mesazhin rreth temës dhe mënyrës së raportimit të rasteve të mundshme të dhunës në familje.

Kontrolloni gjithashtu

39 pemëtar ferizajas përfitues të spërkatsëve profesionale

Mbështetja për bujqit dhe fermerët ferizajas po vazhdon. Në kuadër të skemës mbështetëse për bujqit …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara