Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputetja e LDK-së, Hykmete Bajrami, i ka reaguar ministrit të Financave, Hekuran Murati, për kontratat njëburimore. Ajo ka bërë të ditur se për më pak se tri vite janë nënshkruar 209 milionë euro kontrata sekrete nga niveli qendror. Janë 16 ministri që nëse kish qenë mesatarja 1 milion euro në vit për ministri do të duhej të ishin 48 milionë euro kontrata sekrete për tri vite, por sipas KRPP-së janë nënshkruar 209 milionë euro. Vetëm një nga gënjeshtrat e ministrit të financave, Hekuran Murati që sot e tha në seancë peshon hiç më pak se 161 milionë euro. Për shkaqe objektive nuk jam në seancë por ministri i Financave po thotë plot të pavërteta. Diferenca në mes 209 dhe 48 milionë euro është 161 milionë euro. Kaq peshon gënjeshtra e Hekuran Muratit. Ai prapë i referohet skandalit të Thesarit, por anashkalon faktin se drejtorin e Thesarit e ka bërë guvernator të Bankës Qendrore të Kosovës, saktësoi, deputetja e LDK-së, Hykmete Bajrami.
