Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Republikës së Shqipërisë, Bajram Begaj, vazhdoi vizitën e tij në Kalabri, duke qëndruar në katundet arbëreshe të San Martino di Finita, San Benedetto Ullano dhe Cerzeto. Duke iu bashkuar kryetarëve të komunave dhe banorëve, Presidenti Begaj shpreh mbështetjen e tij për ruajtjen dhe promovimin e trashëgimisë historike dhe kulturës së këtyre komuniteteve. Në vizitën e tij në San Martino di Finita, kryetari Begaj u përshëndeti nga drejtuesit e komunës dhe banorët, të cilët kanë ruajtur historinë dhe traditat e tyre për shekuj. Ai vizitoi bibliotekën dhe kishën e ndërtuar në fillim të shekullit të XVI, duke përcjellë mesazhin e vijimësisë së traditës dhe kulturës arbëreshe. Në San Benedetto Ullano, Presidenti Begaj u prit nga banorë të veshur me kostume tradicionale dhe vizitoi Muzeun e Palazzo Bisciglia, ku ruhen dokumente të rëndësishme për historinë e komunitetit arbëresh. Ai vlerësoi projektin “Le Porte Narranti” (Dyert që tregojnë), duke shprehur kënaqësinë për përpjekjet për të ruajtur dhe përhapur kulturën e këtyre trevave unike
