leoni

Në komunën e Vitisë përkujtohet dëshmori Jonuz Zejnullahu dhe shënohet dita e shkollës

03/05/2024 Institucionet

Shkolla e mesme profesionale në Viti ka përkujtuar sot dëshmorin e lirisë Jonuz Zejnullahun, emrin e të cilit e mbanë kjo shkollë, dhe ka shënuar ditën e shkollës. Me këtë rast, institucionet komunale të Vitisë dhe stafi i shkollës kanë vendosur lule pranë bustit të dëshmorit. Në manifestimin e organizuar në këtë shkollë, para të pranishmëve një fjalë rasti e ka mbajtur drejtori i kësaj shkolle Ali Bislimi, i cili foli për historikun, rezultatet dhe të arriturat e nxënësve. “Sot po shënojmë 23 vjetorin e themelimit të kësaj shkolle. Në këtë përvjetor kujtojmë dëshmorin e kombit Jonuz Zejnullahun i cili ra heroikisht në Koshare, dhe përgëzojmë nxënësit të cilët kanë arritur rezultate të larta, e që janë pjesë e sukseseve të mëdha në lëmi dhe profesione të ndryshme”, tha ai. Ndërsa në fjalën e rastit, zëvendës kryetari i komunës Hasan Aliu, tha se shkollat të cilat mbajnë me krenari emra të dëshmorëve na kujtojnë historinë e lavdishme të vitit 99-të. “Shkollat të cilat i kanë përvjetorët e veta dhe mbajnë me krenari emra të dëshmorëve na kthejnë në dy ngjarje, na kujtojnë historinë tonë të lavdishme të vitit 1999, duke përkujtuar dëshmorin Hoxhë Jonuzin përkujtojmë Ushtrinë Çlirimtare të Kosovës dhe të gjithë ata djem e vajza që kontribuan që ne sot procesin edukativo arsimorë ta zhvillojmë në liri dhe në anën tjetër kjo ditë na vjen me plot rezultate e suksese nga nxënësit e kësaj shkolle”, u shpreh Aliu. Ndërsa në emër shoqatave të dala nga lufta një fjalë rasti e ka mbajtur kryetari i Shoqatës së Familjeve të Dëshmorëve dega në Viti, Xhevgjet Ademi. Gjithashtu, në shënimin e ditës së kësaj shkolle, u ndanë lëvdata dhe mirënjohje për nxënësit e dalluar si dhe u mbajt një panair i punimeve të ndryshme nga nxënësit.

Kontrolloni gjithashtu

39 pemëtar ferizajas përfitues të spërkatsëve profesionale

Mbështetja për bujqit dhe fermerët ferizajas po vazhdon. Në kuadër të skemës mbështetëse për bujqit …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara