Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministrja e Tregtisë dhe Industrisë, Hykmete Bajrami, priti në një takim Gerd Herman Horstin, udhëheqës i kompanisë së tekstilit “Bodet & Horst GmbH” nga Gjermania i cili ka shprehur interesim për të investuar në Kosovë.
Ministrja Bajrami e njoftoi investitorin gjerman me ambientin e të bërit biznes në Kosovë si dhe me shërbimet profesionale për investitorët që ofrohen nga institucionet e vendit tonë qoftë para, gjatë apo pas procesit të investimeve.
Horst gjatë prezantimit të kompanisë së tij, u shpreh i gatshëm të investoj në Kosovë, në fushën e tekstilit. Ai ndër të tjera kërkoi nga institucionet e vendit që të propozojnë një lokacion të përshtatshëm për këtë lloj të industrisë, e cila përfshinë një hapsirë prej 10.000 m2 si dhe informata shtesë në lidhje me resurset humane që ofron Kosova në këtë drejtim.
Ministrja Bajrami theksoi se nënshkrimi i marrëveshjes për Stabilizim Asociim me BE-në favorizon shumë investimet e huaja, po ashtu edhe ndryshimet e fundit në politikat fiskale dhe stimujt tjerë iu mundësojnë investitorëve që makineritë prodhuese por edhe eksporti i mallrave nga Kosova për në BE të bëhet pa ndonjë ngarkesë doganore.
Po ashtu, ministrja Bajrami njoftoi edhe me mundësitë që ofrojnë zonat ekonomike dhe parqet industriale nëpër komunat e Kosovës, si dhe u zotua se Qeveria do të punojë me përkushtim që ta bëjë sa më të lehtë procesin e investimeve të huaja në vendin tonë.
