Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Anëtari i Kryesisë së LDK-së, Muhamet Hamiti, ka ironizuar ndryshimet që ka sjellë Qeveria e kryeministrit Albin Kurti. Ai thotë se kjo qeveri ka sjellë ndryshim, por vetëm për keq. Ai ka përmendur disa nga “ndryshimet” që sipas tij ka sjellë kjo qeveri, duke përfshirë situatën e sanksioneve ndërkombëtare, bllokimin e projekteve nga Bashkimi Evropian, dhe një raport të Departamentit Amerikan të Shtetit, që konstaton korrupsion të rëndë qeveritar në Kosovë. Hamiti ka vazhduar të ironizojë duke thënë se korrupsioni ka ekzistuar gjithmonë në Kosovë, por tani ka korrupsion të rëndë qeveritar, duke e cilësuar këtë si një ndryshim. Ai gjithashtu ka përmendur rënien e Kosovës në Indeksin e Lirisë së Shtypit, duke e krahasuar me Shqipërinë dhe duke e cilësuar edhe këtë si një ndryshim për të keq.
