Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ambasadori i Gjermanisë në Kosovë, Jorn Rohde, ka bërë të ditur se Gjermania e do Kosovën në Këshillin e Evropës, por theksoi se për të arritur këtë, nevojitet një shumicë prej dy të tretave të shteteve anëtare. Ai tha se tema kryesore në qendër të Këshillit të Evropës është mbrojtja e pakicave, duke përmendur edhe vendimin për Manastirin e Deçanit si një hap pozitiv. Rohde theksoi se Kosova është përkushtuar në marrëveshjet e Brukselit dhe të Ohrit për themelimin e Asociacionit të Komunave me Shumicë Serbe, por shtoi se hapat e nevojshëm për sigurimin e shumicës prej dy të tretave ende nuk janë ndërmarrë. Ai gjithashtu bëri të ditur se dërgimi i draft-statutit të Asociacionit në Gjykatën Kushtetuese është një hap që ka nevojë për të vlerësuar përputhjen me Kushtetutën. Një votim i suksesshëm për anëtarësimin e Kosovës në Këshill do të ishte një sukses i madh për politikën e jashtme të Kosovës dhe do të ishte në interes të të gjithë rajonit. Rohde shprehu mbështetjen e tij për integrimin e Kosovës në Këshillin e Evropës dhe shprehu shpresën që Kosova të bashkohet sa më shpejt me të.
