Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri, Albin Kurti, i ka ftuar për të hënën, në një darkë pune liderët e tri partive parlamentare opozitare, Partisë Demokratike të Kosovës, Lidhjes Demokratike të Kosovës dhe Aleancës për Ardhmërinë e Kosovës për të diskutuar rreth përmbushjes së agjendës legjislative për sezonin pranveror. Kurti në letrën të cilën ua ka dërguar tri partive opozitare thekson se arsyeja pse ka takuar krerët e partive dhe shefat e grupeve parlamentare ka të bëjë me atë që të diskutohen hapat për përmbushjen e agjendës legjislative. Kuvendi i Kosovës me muaj të tërë nuk po arrin t’i miratojë marrëveshjet ndërkombëtare në mungesë kuorumi. Opozita ka bojkotuar votimin e tyre për shkak siç deklaronin të situatës politike në vend dhe mungesës së konsensusit për çështje të brendshme. Zëdhënësi i Partisë Demokratike të Kosovës, Faton Abdullahu ka bërë të ditur se PDK-ja ka pranuar ftesën e kryeministrit Albin Kurti për një takim pune për të hënën.
Ndërkaq, zëdhënësi i LDK-së, Besian Mustafa tha ka pranuar ftesën, por ende nuk janë përcaktuat se do të marrin pjesë ose jo. Edhe zëdhënësi i AAK-së Kushtrim Xhemaili ka konfirmuar se ka pranuar ftesën për takim të hënën, por ende nuk dihet a do të marrin pjesë.
