Kryetari Bahtiri priti pianisten e talentuar nga Mitrovica, Risa Çitaku

13/07/2016 Institucionet

Kryetari i komunës së Mitrovicës, Agim Bahtiri, ka pritur pianisten e talentuar Risa Çitaku e cila ishe e shoqëruar nga profesoresha e muzikës, Lirije Halili Koshi si dhe  prindërit  e vogëlushes.

Kryetari Bahtiri, ka uruar pianisten e vogël për sukseset e saja të arritura të deritanishme, duke i dëshiruar shëndet dhe suksese të mëtutjeshme.”Komuna gjithmonë do të mbështesë talentet e rinj, të cilët janë ambasadorët me të mirë të një vendi, andaj më lejoni që t’ju përgëzoi për sukseset tuaj, duke ju dëshiruar një të ardhme edhe më të ndritur” ka thënë  Bahtiri.

Risa  Çitaku, tashmë është bërë emër i njohur në botën artistike e cila falë punës dhe talentit të saj, ka arritur që të fitojë shumë çmime ndërkombëtare në piano. Vogëlushja nga Mitrovica  e cila ndjekë mësimet në shkollën fillore “Abdullah Shabani”, ekzekutimin në piano e filloi që nga mosha 5 vjeçare, e cila ndonëse e re në moshë, arriti që shumë shpejtë të fitoi edhe shumë shpërblime.

Ajo është pjesëmarrëse e rregullt e koncerteve dhe garave të pianos brenda dhe jashtë vendit, madje në çdo pjesëmarrje, pianistja e vogël gjithnjë shpërblehet me çmime, vetëm në këtë vit ajo ka arritur të rrëmbejë tri çmime ndërkombëtare, si pjesëmarrëse e vetme në garat për piano në Maqedoni, Shqipëri dhe në Kosovë.

Prapa sukseseve të kësaj pianiste qëndron edhe përkushtimi i profesoreshës së muzikës, Lirije Halili Koshi, e cila është shumë e përkushtuar për përgatitjen e talenteve të muzikës nga Mitrovica.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara