Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Diplomati austriak, Jan Kikert, i cili kishte shërbyer në Beograd gjatë viteve të luftës në Kosovë, 1997-1999, ka paraqitur dëshminë e tij para trupit gjykues në Gjykatën Speciale në seancën kundër udhëheqësve të Ushtrisë Çlirimtare të Kosovës. Në atë kohë kishte shërbyer si sekretar në Ambasadën e Austrisë në Beograd. Aktualisht Kikert shërben si ambasador austriak, në Romë. I pyetur se a kishte dëgjuar se Thaçit i referoheshin me numrin 3, dëshmitari e mohoi një gjë të tillë, mirëpo tha se kishte dëgjuar se përdorej një sistem numerik, dhe mu kujtua dhe e kam thënë në një nga raportet e mia ku kam përshkruar një takim me Adem Demaçin, i cili me numra iu drejtohej personave, po nuk e kanë lidhur numrin 3 me Hashim Thaçin. Gjatë dëshmisë së tij, Jan Kickert tha se gjatë vitit 1998, Hashim Thaçin më shumë e kanë konsideruar si figurë politike sesa ushtarake. Dëshmitari tha se kishte dëgjuar se Thaçi kishte pseudonimin gjarpri dhe gjatë kësaj kohe nuk kishte dëgjuar që paralelisht i referoheshin me ‘treshi’.
