Në komunën e Rahovecit u mbajt konferenca mbi projektin “BIODRINI”

29/05/2024 Institucionet

Sot, në sallën e kuvendit komunal të komunës së Rahovecit, u mbajt konferenca përfundimtare “Rritja e biodiversitetit në pellgun e lumit Drin përmes menaxhimit të integruar të pellgut ujmbledhës – BIODRINI”, të cilët i përshëndeti dhe i përgëzoi për angazhimin në zbatimin e këtij projekti, kryetari i Komunës së Rahovecit, z. Smajl Latifi. Më pas, Koordinatori i projektit, z. Rrahman Krasniqi, paraqiti arritjet e projektit, me fokus të veçantë foli për instalimin e pritave për mbeturina dhe diskutoi për planin e menaxhimit të integruar të pellgut ujëmbledhës. Qëllimi kryesor i këtij projekti është mbrojtja e mjedisit, rritja e biodiversitetit përmes zbatimit të praktikave të mira përgjatë pellgut të lumit Drin në territoret e Komunës së Rahovecit dhe Qarkut Kukës. Projekti “BIODRINI” është pjesë e programit “IPA Il – Program i bashkëpunimit ndërkufitar Shqipëri – Kosovë 2014 – 2020”, i financuar dhe i menaxhuar nga Zyra e Bashkimit Evropian në Kosovë dhe i zbatuar nga Komuna e Rahovecit, në partneritet me Qarkun Kukës në Shqipëri, Shoqata për Pastërti dhe Ambient të Kosovës “PAMKOS” nga Kosova dhe Instituti i Kërkimeve Urbane – “URI” nga Shqipëria.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara