Komuna e Vitisë shënoi 5 Qershorin- Ditën Botërore të Mjedisit

05/06/2024 Institucionet

Komuna e Vitisë, konkretisht Drejtoria për Urbanizëm, Planifikim dhe Mbrojtje të Mjedisit në bashkëpunim me Drejtorinë për Shërbime Publike dhe Emergjencë në Viti,  ka shënuar sot 5 Qershori- Ditën Botërore të Mjedisit. Me këtë rast në disa lokacione të qytetit të Vitisë,  janë zhvilluar aktivitete mjedisore përfshirë edhe mbjelljen e luleve dhe fidanëve. Këtyre aktiviteteve ju janë bashkangjitur edhe nxënës të shkollave fillore por edhe të mesme që vijojnë mësimin në qytetin e Vitisë. Ndërkaq për të pranishmit nga një fjalë rasti lidhur me këto aktivitete,  kanë mbajtur Basri Aliu, drejtor për Shërbime Publike dhe Emergjencë dhe Visar Demiri, drejtor për Urbanizëm, Planifikim dhe Mbrojtje të Mjedisit. Ata potencuan se komuna e Vitisë në vazhdimësi është kujdesur për një mjedis të pastër dhe se sot më shumë bëhet fjalë për një aksion simbolik për të rritur ndërgjegjësimin tek qytetarët për mbrojtjen e mjedisit. Përndryshe 5 qershori u caktua si Dita Botërore e Mjedisit në vitin 1972 , nga Asambleja e Përgjithshme e OKB-së.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara