U mbajt ceremonia e diplomimit të maturantëve në Qendrën e Kompetencës në Malishevë

07/06/2024 Institucionet

Sot, në organizim të Qendrës së Kompetencës “Kujtim Krasniqi” në Malishevë, u mbajt ceremonia e diplomimit të maturantëve për njëmbëdhjetë klasa të kësaj shkolle profesionale. Ngjarja u shënua me pjesëmarrjen e drejtoreshës së Drejtorisë për Arsim dhe Edukim në Malishevë, Arbëreshë Krasniqi, dhe shefit të kësaj drejtorie, Sabit Berisha. Në fjalën e saj drejtoresha Krasniqi, e cilësoi këtë ceremoni si një ngjarje të rëndësishme për komunën dhe për maturantët. Ajo theksoi se maturantët janë imazhi më i mirë për Komunën e Malishevës dhe përgëzoi të gjithë për arritjet e tyre. “Sot është një ngjarje me rëndësi për ju si maturantë, por edhe për neve si komunë. Ju jeni e tashmja dhe e ardhmja e vendit. Prandaj, në emër timin personal dhe në emër të institucionit të komunës, ju uroj me rastin e diplomimit dhe tani më jeni të profesionalizuar në drejtimet që keni studiuar. Urime dhe shumë suksese në studime, në punë dhe në jetë,” tha drejtoresha Krasniqi. Drejtori i Qendrës së Kompetencës, Nazmi Zogaj, vlerësoi angazhimin dhe arritjet e maturantëve që nga fillimi e deri në përfundimin e shkollimit të tyre. “Ju tani keni potencialin e mjaftueshëm për të bërë gjëra të mëdha, sepse jeni profesionalizuar dhe ne presim kontributin tuaj,” u shpreh drejtori Zogaj. Në përfundim të ceremonisë, të gjithë maturantët, sipas klasave, morën diplomat e përfundimit të shkollimit të mesëm, duke e mbyllur kështu një kapitull të rëndësishëm të jetës së tyre arsimore.

Kontrolloni gjithashtu

Ferizajaset Valmira Ramadani dhe Yllka Jashari fituese të medaljes së bronztë në Kampionatin Ballkanik të Beach Volleyt

Ferizajaset Valmira Ramadani dhe Yllka Jashari i siguruan Kosovës, medaljen e bronztë në BVA Kampionatin …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara