Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ambasadori amerikan në Kosovë, Jeff Hovenier, ka diskutuar për mosmarrëveshjet midis ShBA-së, dhe Qeverisë së udhëhequr nga Albin Kurti, duke theksuar se mbështetja për Kosovën është pjesë e ADN-së së SHBA-ve. Në një intervistë për “Zërin e Amerikës”, Hovenier deklaroi se kjo mbështetje nuk nënkupton që qeveria e Kosovës mund të veprojë sipas dëshirës së saj. “Nuk mendoj se do të ketë ndonjëherë një moment kur qeveria e Shteteve të Bashkuara dhe amerikanët nuk do të mbështesin njerëzit dhe projektin e Kosovës. Por kjo nuk do të thotë se një qeveri e caktuar mund të bëjë ç’të dojë,” theksoi ambasadori. Ai kritikoi mënyrën e marrjes së vendimeve nga qeveria, veçanërisht në lidhje me shpronësimet dhe vendimet e Bankës Qendrore të Kosovës. Hovenier bëri thirrje për më pak veprime të njëanshme dhe më shumë bashkëpunim, duke theksuar rëndësinë e tregimit të ndjeshmërisë ndaj shqetësimeve të komuniteteve pakicë.
