Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti i LDK-së, Avdullah Hoti, ka akuzuar kryeministrin Albin Kurti për përdorim të propagandës të ngjashme me atë të komunistëve, duke mashtruar qytetarët me “arritjet e planeve 5-vjeçare”. Hoti kritikoi lavdërimin e Kurtit për rritjen e Produktit të Brendshëm Bruto të vitit 2023 krahasuar me atë të vitit 2000. “Të gjithë e dinë se në vitin 2000, sapo ishim kthyer nga deportimi i politikës së tokës së djegur, që u zbatua sistematikisht nga regjimi serb. Në vitin 2000, gjysma e shtëpive ishin të djegura, kafshët shtëpiake dhe mjetet bujqësore ishin të vjedhura e të shkatërruara. Infrastruktura shkollore, shëndetësore dhe rrugore ishte shkatërruar gati plotësisht nga lufta dhe nga mungesa e investimeve për mbi 10 vjet. Shumica e bizneseve ishin plaçkitur dhe duhej të nisnin nga e para,” shkroi Hoti. Ai propozoi që Kurti të krahasojë PBB-në e vitit 1998-99 me atë të vitit 2023, duke theksuar se rritja do të rezultojë 10 herë më e madhe. Ai e cilësoi sjelljen e Kurtit si propagandë marrëzie dhe mashtruese për qytetarët.
