Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Mbahet mbledhja e Këshillit Komunal për Siguri në Bashkës e komunës së Rahoveciti, e katërta për këtë Vit. Kryesuesi i mbledhjes, Kryetari i Komunës së Rahovecit z.Smajl Latifi, fillimisht uroi festën e Bajramit të gjithë besimtarëve. Tutje, theksoi se situata e përgjithshme në komunën e Rahovecit në bazë të argumenteve dhe burimeve që i posedojmë është stabile, e qetë dhe pa ndonjë ndryshim të theksuar prej takimit të fundit të mbledhjes së KKSB-së. Kjo është mbledhja e katërt e rregullt për vitin 2024, me plan të ri dhe angazhime të reja. Të pranishëm në këtë mbledhje, përveç anëtarëve të KKSB-së, përfaqësuesve të OSBE-së, nënkryetarit të komunës, drejtorët e drejtorive, ishin edhe inspektorët komunalë dhe menaxhmenti aktual i KRU-Gjakovës – kryeshefi i KRU-Gjakovës z.Hasan Krasniqi, drejtori teknik z.Visar Hasi dhe përgjegjësin për Rahovec, z.Hysni Çanta.
✅Në këtë mbledhje u diskutua rreth çështjeve:
🔹Çështja e ujit të pijshëm në komunën e Rahovecit – problemet me furnizim të mjaftueshëm;
🔹Rritja e bashkëpunimit me udhëheqësinë e KRU-Gjakovës;
🔹Trajtimi i problemeve që lidhen me kanalizime;
🔹Plani operativ për sezonën e pushimeve të mirgimtarëve dhe të dasmave;
🔹Për lirimin e trotuarëve – hapësirave publike;
🔹Siguria dhe kontrolli i shpeshtë në trafik;
🔹Punishtet në qytet;
🔹Niveli i sigurisë në shkolla;
🔹Diskutim për aktivitetet e organizuara nga Drejtoria për Arsim për maturantët;
🔹Parandalimi i përdorimit të substancave narkotike;
🔹Mbrojtjen e lumenjve që rrjedhin – ndalimi i hudhjes së mbeturinave;
🔹Përpjekja intenzive për ushqim më cilësor me siguri me të lartë (siguria dhe kontrolli i produkteve ushqimore).
Komandanti i Stacionit Policor – Rahovec, z. Fazli Morina, si zakonisht raportoi rreth situatës së sigurisë në territorin e komunës së Rahovecit, me statistika si në vijim:
🔻 Gjatë kësaj periudhe kanë ndodhur 45 vepra penale, 1 rast incident jopenal. Dhunë në familje 8 raste, 3 vjedhje dhe armëmbajtje pa leje 1 rast.
🔻Janë arrestuar 7 persona.
Sa i përket sigurisë në komunikacionin rrugor:
Janë dhënë 671 gjoba në komunikacion rrugor. Prej tyre, 25 gjoba janë shqiptuar për drejtimin e automjetit pa patent shofer, 9 gjoba për mbajtje të telefonit gjatë vozitjes, 108 gjoba për parkingje joadekuate, 5 gjoba për prishje të rendit dhe qetësisë publike.
– Nga shkollat e komunës së Rahovecit janë realizuar 17 pika të kontrollit afër shkollave.
– Në fund të mbledhjes, kryetari Latifi falenderoi të gjithë anëtarët e KKBS-së për konstruktivitetin, angazhimin dhe punën e bërë.
