Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Gjatë paraqitjes së tij para trupit gjykues të Gjykatës Speciale, në Hagë, dëshmitari Kurtesh Fondaj tha se Forcat e Armatosura të Republikës së Kosovës, për të cilat pretendohet se kanë qenë krah ushtarak nga Lidhja Demokratike e Kosovës në territorin e Kosovës, nuk ka pasur. Pjesa e ushtarëve që kanë qenë fillimisht nën Ministrinë e Mbrojtjes, kanë vepruar me emblemë të UÇK-së, raporton “Betimi për Drejtësi”. Në një intervistë për Prokurorinë, dëshmitari kishte thënë se Halil Çadraku sipas vijës komanduese është dashur t’i raportojë për punën e tij, Ekrem Rexhës, por ai ka raportuar në fakt me sektorin e Shtabit të Përgjithshëm, me Kadri Veselin i cili ka qenë drejtuesi. Ekrem Rexha i ka pas disa ankesa nga komandantët e brigadave në interferim të punës së Halil Çadrakut. Kurtesh Fondaj tha se Çadrakut iu ka dukur që Ekrem Rexha me anë të kësaj forme po dëshiron ta bllokojë punën e sektorit të Zbulim-Kundërzbulimit. Pas kësaj, dëshmitari për dallim nga seanca përgatitore, tani thotë se nuk është në dijeni nëse Çadraku i ka raportuar Shtabit të Përgjithshëm.
